«Հայաստանի ղեկավարի ատելության խոսքը հավասար է ադրբեջանցի բռնապետի խոսքին». Տաթևիկ Հայրապետյան

Ադրբեջանագետ Տաթևիկ Հայրապետյանի ֆեյսբուքյան գրառումը. «Սա այն իրավիճակն է, որ ոչ ուզում եմ հեգնել, ոչ որևէ բան ապացուցել… Ուզում եմ ասել, որ անսահման ցավ ու ամոթ եմ ապրում, որ Հայաստանի ղեկավարի՝ Արցախի հայերի հանդեպ ատելության և խտրականության խոսքը հավասար է Արցախի դեմ պատերազմ սանձազերծած, Արցախում բլոկադա իրականացրած, Արցախում էթնիկ զտում իրականացրած ադրբեջանցի բռնապետի ատելության խոսքին։
Սա իրապես խայտառակություն է։
Սիրելի Արցախի հայեր, կներեք մեզ՝ ՀՀ բոլոր քաղաքացիներիս, այս իրավիճակը թույլ տալու համար, չեմ էլ կարող պատկերացնել, թե որքան ծանր է ձեզ համար անցնել այս ամենի միջով»: