«Պատերազմը դադարեցնելու հնարավորությունն ԱՄՆ-ի ձեռքում է»․ Գուտերեշ

Մերձավոր Արևելքում հակամարտության դադարեցումը կախված է Միացյալ Նահանգների քաղաքական կամքից և որոշումներից, հայտարարել է ՄԱԿ-ի գլխավոր քարտուղար Անտոնիո Գուտերեշը։

«Պատերազմը պետք է դադարեցվի, և ես կարծում եմ, որ այն դադարեցնելու հնարավորությունն ԱՄՆ-ի ձեռքում է։ Դա հնարավոր է (վերջ դնել հակամարտությանը), բայց դա կախված է քաղաքական կամքից։ Համոզված եմ, որ Իսրայելն իր ռազմավարության շրջանակներում ցանկանում է հասնել Իրանի ռազմական ներուժի լիակատար ոչնչացման և իշխանության փոփոխության։ Եվ կարծում եմ, որ Իրանն ունի ռազմավարություն՝ հնարավորինս երկար դիմադրել և հնարավորինս շատ վնաս հասցնել։ Այսպիսով, խնդրի լուծման բանալին այն է, երբ ԱՄՆ-ն որոշի հայտարարել, որ իրենք կատարել են իրենց գործը։ ԱՄՆ նախագահ Դոնալդ Թրամփը կկարողանա համոզել նրանց, ում պետք է, որ գործը կատարված է, և կարելի է ավարտել»,- ՄԱԿ-ի գլխավոր քարտուղարի խոսքերն է մեջբերում Politico-ն։