ԱՄՆ-ի Սենատի հետախուզության հարցերով հանձնաժողովն այսօր լսումներ է անցկացնում

ԱՄՆ-ի Սենատի հետախուզության կոմիտեն այսօր լսումներ է անցկացնում: CBS News-ի տվյալներով՝ Ազգային հետախուզության տնօրեն Թուլսի Գաբարդը և հետախուզության այլ բարձրաստիճան պաշտոնյաներ պետք է ելույթ ունենան Իրանի դեմ պատերազմի և ներքին ահաբեկչության սպառնալիքների վերաբերյալ լսումների ժամանակ:

Սա Դոնալդ Թրամփի վարչակազմում ազգային անվտանգության բարձրաստիճան պաշտոնյաների առաջին հրապարակային ելույթն է Ազգային հակաահաբեկչական կենտրոնի տնօրեն Ջո Քենթի հրաժարականից հետո:

Այլ ելույթ ունեցողների թվում են ԿՀՎ տնօրեն Ջոն Ռատկլիֆը, ՀԴԲ տնօրեն Քեշ Պատելը, Ազգային անվտանգության գործակալության տնօրեն Ուիլյամ Հարթմանը և Պաշտպանության հետախուզության գործակալության տնօրեն Ջեյմս Ադամսը:

Լսումների ժամանակ, ի թիվս այլ հարցերի, նախատեսվում է քննարկել Իրանի տարրական դպրոցի վրա ԱՄՆ-ի հրթիռային հարվածը, որի հետևանքով, ըստ որոշ տեղեկությունների, զոհվել է ավելի քան 165 մարդ: Հարվածը, ըստ որոշ տեղեկությունների, իրականացվել է հնացած հետախուզական տվյալների հիման վրա:

Սպիտակ տունը հայտարարել է, որ միջադեպի հետաքննությունը շարունակվում է:

Լսումները կշարունակվեն վաղը ԱՄՆ-ի Ներկայացուցիչների պալատում:

Հարկ է նշել, որ Ջո Քենթը հրաժարական է տվել՝ ի նշան Իրանի դեմ պատերազմի հանդեպ իր դժգոհության: