«Հույս ունեմ՝ հաջորդ այցիս կկարողանամ լինել խաղաղ Լիբանանում»․ Գուտերեշ

ՄԱԿ-ի գլխավոր քարտուղար Անտոնիու Գուտերեշը աշխատանքային այցով ժամանել է Բեյրութ: The Guardian-ի հաղորդմամաբ՝ մամուլի ասուլիսի ընթացքում նա կոչ է արել «Հեզբոլլահ»-ին և Իսրայելին բանակցել հրադադարի շուրջ՝ «դադարեցնելու պատերազմը և ճանապարհ հարթել լուծում գտնելու համար, որը թույլ կտա Լիբանանին դառնալ անկախ երկիր, որի ինքնիշխանությունը և տարածքային ամբողջականությունը կհարգվեն»։ Նա հավելել է, որ «այլևս զինված խմբավորումների ժամանակը չէ։ Սա ուժեղ պետությունների ժամանակն է»։

«Ես անկեղծորեն հույս ունեմ, որ Լիբանան կատարելիք հաջորդ այցիս ժամանակ կկարողանամ լինել խաղաղ Լիբանանում»,- նշել է Գուտերեշը։