ԱՄԷ-ի վրա իրանական հարվածների վիրավորների թվում կան Ադրբեջանի ու Թուրքիայի քաղաքացիներ

Իրանի կողմից Արաբական Միացյալ Էմիրությունների վրա հարձակումների հետևանքով վիրավորվածների թվում կան նաև Ադրբեջանի քաղաքացիներ: Այս մասին երեքշաբթի օրը սոցիալական ցանցերում հայտնել է ԱՄԷ պաշտպանության նախարարությունը։

ԱՄԷ-ի վրա հարձակումների հետևանքով զոհերի թիվը հասել է 6-ի, վիրավորվել է 24 ազգության 122 մարդ, հայտնել է պաշտպանության նախարարությունը։

«Այս հարձակումների հետևանքով զոհվել են ԱՄԷ-ի, Պակիստանի, Նեպալի և Բանգլադեշի վեց քաղաքացիներ, իսկ 122 մարդ ստացել է թեթև և միջին ծանրության վնասվածքներ», - նշել է նախարարությունը: Նախարարության տվյալներով՝ վիրավորների թվում են ԱՄԷ-ի, Եգիպտոսի, Սուդանի, Եթովպիայի, Ֆիլիպինների, Պակիստանի, Իրանի, Ադրբեջանի և Թուրքիայի քաղաքացիներ: