Աֆղանստանը ծանր կորուստներ է կրում Պակիստանի հետ բախումների ընթացքում

Պակիստանի ուժերի հետ բախումների ընթացքում զոհված աֆղան զինվորների թիվը հասել է առնվազն 489-ի, ավելի քան 696-ը վիրավորվել է, սոցիալական ցանցերում հայտարարել է Պակիստանի տեղեկատվության նախարար Աթթաուլլահ Թարարը։
Պակիստանի տվյալներով՝ «Ղազաբ լիլ Հաք» («Արդար զայրույթ») գործողության մեկնարկից ի վեր երկրի բանակը ոչնչացրել է 226 աֆղանական անցակետ և ապահովել ևս 35-ի անվտանգությունը։ Պակիստանի ռազմաօդային ուժերը հարվածել են Պակիստանում գտնվող 56 թիրախի։ Բացի այդ, երկրի զինված ուժերը ոչնչացրել են թշնամու ավելի քան 198 զրահապատ մեքենա։

Աֆղանստանի պաշտպանության նախարարությունը հայտնում է, որ Իսլամաբադի կորուստները կազմում են 150 զոհ և ավելի քան 200 վիրավոր։ Գերատեսչությունը նաև պարզաբանել է, որ Պակիստանի հետ հակամարտության ընթացքում զոհվել է 28 աֆղան զինծառայող, ևս 42-ը՝ վիրավորվել։