Իրանի նախագահն ուղերձ է հղել հարևան պետությունների ղեկավարներին

Թեհրանը հարգում է Մերձավոր Արևելքի երկրների ինքնիշխանությունը և տարածաշրջանի անվտանգությունը համարում է կոլեկտիվ պատասխանատվություն, հայտարարել է Իրանի նախագահ Մասուդ Փեզեշքիանը հարևան պետություններին ուղղված իր ուղերձում։
«Ձերդ Մեծություններ, բարեկամ և հարևան երկրների պետությունների ղեկավարներ, մենք ձգտում էինք կանխել պատերազմը դիվանագիտական ​​միջոցներով, սակայն ամերիկա-սիոնիստական ​​ռազմական ագրեսիան մեզ այլընտրանք չթողեց, քան պաշտպանվելը։ Մենք հարգում ենք ձեր ինքնիշխանությունը և կարծում ենք, որ տարածաշրջանի անվտանգությունն ու կայունությունը պետք է ապահովվեն երկրների համատեղ ջանքերով»,- գրել է Փեզեշքիանը X սոցիալական ցանցում։

ԱՄՆ-իսրայելական գործողության սկզբից ի վեր Իրանը հարվածներ է հասցրել Սաուդյան Արաբիային, Կատարին, ԱՄԷ-ին, Բահրեյնին, Քուվեյթին, Օմանին, Հորդանանին և Իրաքին։