ԱՄՆ-ի գործողությունն Իրանի դեմ կարող է հանգեցնել Ուկրաինայի հրթիռային պաշարների սպառմանը. FT

Financial Times (FT)-ը ենթադրում է, որ Իրանի դեմ հարվածների ժամանակ ԱՄՆ-ի կողմից զինամթերքի ծախսերը կարող են բացասաբար անդրադառնալ Ուկրաինային ամերիկյան զենքի մատակարարման վրա։

Ըստ թերթի՝ անցյալ տարի Թեհրանի դեմ ռազմական գործողության ժամանակ ԱՄՆ-ն և Իսրայելը աննախադեպ քանակությամբ հակահրթիռային հրթիռներ են ծախսել՝ Իրանի կողմից արձակված հրթիռներն ու անօդաչու թռչող սարքերը չեզոքացնելու համար։ Հոդվածում նշվում է, որ այդ ժամանակ մոտ 150 THAAD հակահրթիռային պաշտպանության զինամթերք է ծախսվել, այնն դեպքում, երբ 2010 թվականից ի վեր արտադրվել է ընդամենը 650-ը:

Թերթը նշել է, որ չնայած բրիտանական և ֆրանսիական ուժերը նախկինում մասնակցել են Իսրայելն իրանական անօդաչու թռչող սարքերից և բալիստիկ հրթիռներից պաշտպանելուն, այս անգամ միջազգային կոալիցիա չի ձևավորվել։ «ԱՄՆ-ի զինվորականները գնահատում են այն հնարավորությունը, որ Իրանի պատասխան գործողությունները կարող են խոչընդոտել այս կենսականորեն կարևոր զինամթերքի մատակարարմանը, քանի որ երկիրը պայքարում է իր պաշարները համալրելու համար, ինչը կազդի ոչ միայն Ուկրաինայի պատերազմի, այլև Վաշինգթոնի մարտական ​​ծրագրերի վրա՝ Չինաստանի կամ Ռուսաստանի հետ հնարավոր հակամարտության դեպքում», - ասվում է հոդվածում։