«Շտապեմ ձեր վատատեսական մտքերը փարատել»․ Արման Պողոսյանը՝ լրագրողներին

«Որտեղի՞ց է լինելու կայուն հոսքը բյուջե, որով կենսաթոշակների բարձրացումը մշտապես կարողանալու եք ապահովել, այլապես ընտրություններից հետո պիտի ասեք՝ չկա գումար, թոշակառունե՛ր, ձեզ փող չենք տալիս»,- ճեպազրույցի ժամանակ լրագրողը հարց ուղղեց Ֆինանսների նախարարի տեղակալ Արման Պողոսյանին։

«Շտապեմ ձեր վատատեսական մտքերը, մտահոգությունը փարատել և հայտնել, որ ծախսը, որը նախատեսվում է կատարել՝ գնահատված է, ֆինանսավորումը տեսանելի է, և որևէ ֆիսկալ ռիսկ այս առումով նախարարությունը չի տեսնում։ Այսինքն՝ չֆինանսավորելու ռիսկ չի լինելու, ֆինանսավորման աղբյուրները հայտնի են, դրանք հավաքագրվող հարկերն են, ոչ հարկային եկամուտները»,- պատասխանեց փոխնախարարը։