Ժնևում սկսվել են Ուկրաինայի և ԱՄՆ-ի միջև երկկողմ բանակցությունները
 Ժնևում սկսվել են Ուկրաինայի և ԱՄՆ-ի միջև երկկողմ բանակցություններ, հաղորդում է AFP-ն։ Ուկրաինայի Ազգային անվտանգության և պաշտպանության խորհրդի քարտուղար Ռուստեմ Ումերովը նույնպես այս մասին հայտարարել է իր Telegram ալիքում։ «Սկսվել է երկկողմ հանդիպում ամերիկյան պատվիրակության՝ Սթիվ Ուիթքոֆի և Ջարեդ Քուշների հետ»,- գրել է Ումերովը։ Ումերովը նշել է, որ ուկրաինական պատվիրակությունը ամերիկյան կողմի հետ կաշխատի Ուկրաինայի տնտեսական աջակցության և վերակառուցման մեխանիզմների, ինչպես նաև ներդրումների ներգրավման և երկարաժամկետ համագործակցության գործիքների շուրջ։ «Կարևոր ոլորտ է մարդասիրական ուղղությունը և հնարավոր փոխանակումների հարցերը։ Մենք հույս ունենք մեր քաղաքացիների վերադարձի վերաբերյալ կոնկրետ արդյունքների հասնել»,- գրել է ԱԱՆ քարտուղարը։ Նրա խոսքով՝ բանակցողները կաշխատեն «գործնական լուծումների» ուղղությամբ։ Ուկրաինական պատվիրակությունը կզեկուցի հանդիպման արդյունքների մասին։ Ումերովը հավելել է, որ ուկրաինական կողմը մտադիր է նաև քննարկել Ռուսաստանի հետ եռակողմ բանակցությունների հաջորդ փուլի նախապատրաստական աշխատանքները. «Անհրաժեշտ է համաձայնեցնել դիրքորոշումները մինչև այս փուլը»։ Ումերովից բացի, ուկրաինական պատվիրակության կազմում են Գերագույն ռադայի «Ժողովրդի ծառա» խմբակցության ղեկավար Դավիթ Արախամիան, էկոնոմիկայի նախարար Ալեքսեյ Սոբոլևը և նրա տեղակալ Դարիա Մարչակը: Ամերիկյան կողմից ներկայացված են նախագահի հատուկ դեսպանորդ Սթիվեն Ուիթքոֆը և Դոնալդ Թրամփի փեսան՝ Ջարեդ Քուշները: |
Թրամփը հակված է ընդլայնել ԱՄՆ-ի ռազմական գործունեությունն Իրանում. #The Wall Street Journal
21601:32
«Հունիսի 7-ից հետո Հայաստանում այլևս չկա ո՛չ օրենք, ո՛չ Սահմանադրություն, ո՛չ կարմիր գծեր». Արման Աբովյան
11300:36
«Քաղաք կառավարելը նշանակում է տարբերել առողջ ծառը վտանգավոր ծառից». Հայկ Կիրակոսյան
101Երեկ, 23:48
«Իրավիճակը կարող է «արդարացում» ունենալ միայն 2 դեպքում». Հարութ Ուլոյան
102Երեկ, 23:30
«Բանակի շուրջ իշխանական ստերը՝ հատիկ-հատիկ». Գեղամ Մանուկյան (տեսանյութ)
118Երեկ, 23:24
Զելենսկին ՊՆ նախարարի թեկնածու է առաջադրել ՆԳՆ ներկայիս նախարարին
164Երեկ, 23:22