«Թոշակների բարձրացումն աննկատ բեռ կլինի պետբյուջեի համար». Սամսոն Գրիգորյան

Գործարար Սամսոն Գրիգորյանը ֆեյսբուքյան էջում գրել է․ «Եթե նույնիսկ բոլոր թոշակառուների թոշակները բարձրացվեն 10,000 դրամով, ինչն իհարկե այդպես չի լինելու, ապա պետության բեռը կկազմի 6,6 միլիարդ դրամ:
Նորմալ է, նույնիսկ շատ ավելի քիչ է, քան հնարավոր է։ Ինչո՞ւ, ասեմ՝ ինչու:
Առողջության ապահովագրման կիրառումից հետո պետությունն ահռելի գումարներ է տնտեսելու, պետպատվերների և այլ առողջապահական ծրագրերի բեռից ազատվելով։ Հնարավոր է նույնիսկ եկամուտներ էլ գրանցվեն, մանավանդ 2028-ից առողջության ապահովագրությունը պարտադիր կլինի բոլորի համար։
Օրինակ, համեմատության համար, առողջապահության բյուջեն այս տարի 244 մլրդ դրամ է։
Միջին աշխատավարձն աճել է, հետևաբար նաև աճել են դրանից հավաքագրվող հարկերը։
Գնաճ, տնտեսական ակտիվություն, մեքենաների քանակի ավելացում, ներգնա տուրիզմի աճ և շատ ու շատ այլններ։ Այս ամենն իր ետևից ենթադրում է հարկերի հավաքագրման բազմապատիկ աճ։
Սա ընդամենը մի քանի պարզագույն պատճառ, թե ինչու թոշակների բարձրացումն աննկատ բեռ կլինի պետբյուջեի համար և թե ինչու թոշակներն անպայման պետք է բարձրացվեին»։