«ՌԴ-ի, ԱՄՆ-ի և Ուկրաինայի ղեկավարների հանդիպումն իմաստ ունի միայն գործարքի վերջին փուլում». Պեսկով

ՌԴ-ի նախագահի մամուլի քարտուղար Դմիտրի Պեսկովը հայտարարել է, որ Ռուսաստանի, ԱՄՆ-ի և Ուկրաինայի ղեկավարների հանդիպումը եռակողմ ձևաչափով տրամաբանական է վերջնական փուլում՝ գործարքը վերջնական տեսքի բերելու համար։
«Այստեղ արժե համաձայնել, որ երեք նախագահները պետք է հանդիպեն միայն համաձայնագրերը վերջնական տեսքի բերելու կամ, ինչպես ամերիկացիներն են ասում, գործարք կնքելու համար: Դա, հավանաբար, ճիշտ է»,- նշել է Կրեմլի ներկայացուցիչը։

Նրա խոսքով՝ Ուկրաինայի նախագահ Վլադիմիր Զելենսկիին Մոսկվա գալու հրավերը մնում է արդիական, քանի որ Ռուսաստանի առաջնորդ Վլադիմիր Պուտինը «միշտ պահում է իր խոսքը»։

Միաժամանակ նա ընդգծել է, որ Պուտինի և Զելենսկու հանդիպման հեռանկարը դեռ հարցականի տակ է, քանի դեռ Կիևը պահպանում է իր ներկայիս բանակցային դիրքերը։

«Ինչ վերաբերում է Ռուսաստանի նախագահի և Զելենսկու միջև հանդիպումների կազմակերպման հեռանկարներին, եկեք սահմանափակվենք՝ հիշելով վերջին շաբաթվա նրա հայտարարությունը… Եվ եկեք ինքներս մեզ հարց տանք՝ իմաստ կա՞ ամենաբարձր մակարդակով հանդիպելը, եթե Կիևը դեռևս պահպանում է այս դիրքորոշումը: Ինչպե՞ս են նրանք դա նույնիսկ պատկերցնում»,- հավելել է Կրեմլի ներկայացուցիչը։

Նա նաև «բոլորովին խելագար» և «անմիտ» է որակել Ուկրաինային միջուկային զենք փոխանցելու՝ եվրոպական ծրագրերը։ Կրեմլի խոսնակն ասել է, որ «տարօրինակ կլիներ, եթե Մեծ Բրիտանիան և Ֆրանսիան հաստատեին նման մտադրությունները»։

Նրա խոսքով՝ Ռուսաստանի տվյալները «անհիմն չեն», և Մոսկվան ակնկալում է, որ դրա հրապարակումը «խոչընդոտ կդառնա այդ ծրագրերի իրականացման համար»։