«Թրամփն Իրանի հարցով խորհրդակցություն է անցկացրել իր վարչակազմի հետ»․ #Axios

ԱՄՆ նախագահ Դոնալդ Թրամփն Իրանի հարցով խորհրդակցություն է ունեցել իր վարչակազմի բարձրաստիճան անդամների հետ, հաղորդում է Axios-ը։

«Թրամփին տեղեկացրել են այս շաբաթվա սկզբին Ժնևում կայացած միջուկային բանակցությունների մասին և քննարկվել է հետագա քայլերը», - նշում է լրատվամիջոցը։ Աղբյուրների համաձայն՝ հանդիպմանը մասնակցել են ԱՄՆ հատուկ բանագնաց Սթիվ Ուիթքոֆը, պետքարտուղար Մարկո Ռուբիոն, Ջարեդ Քուշները և այլ բարձրաստիճան պաշտոնյաներ։

Պաշտոնյաներից մեկը Axios-ին ասել է, որ իրանցիները պետք է մինչև ամսվա վերջ Թրամփի վարչակազմին ներկայացնեն միջոցառումների փաթեթ, որը կվերացնի ԱՄՆ-ի կողմից Ժնևում Իրանի միջուկային ծրագրի վերաբերյալ բարձրացված մտահոգությունները։

«Իրանի արտգործնախարարը Քուշներին և Ուիթքոֆին շատ դրական բաներ է ասել, բայց սատանան մանրամասների մեջ է։ Գնդակը Իրանի դաշտում է, այնպես որ տեսնենք», - ասել է պաշտոնյան։

Միաժամանակ, աղբյուրները կարծիք են հայտնել, որ եթե բանակցությունները ձախողվեն, ԱՄՆ ռազմական գործողությունը Իրանում կլինի «լայնածավալ, շաբաթներ տևող արշավ, որն ավելի շատ կնմանվի լայնամասշտաբ պատերազմի»։