«ԱՄՆ-ի զինված ուժերը պատրաստ են հարվածել Իրանին շաբաթ օրը, սակայն Թրամփը դեռ որոշում չի կայացրել»․ #CBS

ԱՄՆ զինված ուժերը պատրաստ են հարվածել Իրանին՝ արդեն շաբաթ օրը, սակայն ԱՄՆ նախագահ Դոնալդ Թրամփը դեռևս վերջնական որոշում չի կայացրել, հաղորդում է CBS News-ը՝ հղում կատարելով իր աղբյուրներին։

«Դինամիկ և շարունակական» քննարկումներ են ընթանում. Սպիտակ տունը կշռադատում է «սրացման ռիսկերը և զսպման քաղաքական ու ռազմական հետևանքները», նշվում է հրապարակման մեջ։

Հաջորդ երեք օրերի ընթացքում Փենթագոնը ժամանակավորապես որոշ զորքեր կտեղափոխի Մերձավոր Արևելքից՝ հիմնականում Եվրոպա կամ հետ՝ ԱՄՆ։ Սա վկայում է ռազմական գործողության նախապատրաստության մասին, բայց չի նշանակում, որ այն անխուսափելի է, նշել է աղբյուրներից մեկը։

Սպիտակ տան մամուլի քարտուղար Քերոլայն Լևիթը Սպիտակ տանը կայացած ճեպազրույցի ժամանակ ասել է, որ կան «շատ պատճառներ և փաստարկներ Իրանին հարվածելու համար», բայց դիվանագիտությունը միշտ ԱՄՆ նախագահ Դոնալդ Թրամփի առաջին ընտրությունն է։