«Վարդանյանի անողոք դատավճիռը սպասելի էր»․ Մուխանով

Ռուբեն Վարդանյանի դատավճիռը կանխատեսելի էր։ Այս մասին Известия-ի հետ զրույցում ասել է ՌԴ գիտությունների ակադեմիայի Համաշխարհային տնտեսության և միջազգային հարաբերությունների ինստիտուտի Կովկասյան բաժնի ղեկավար Վադիմ Մուխանովը:

«Օրերս հրապարակվեցին Ղարաբաղի առաջնորդների դատավճիռները՝ բոլորը 20 տարուց մինչև ցմահ ազատազրկման դատապարտվեցին։ Վարդանյանի դատավճիռը այս առումով բացառություն չէ։ Ես չեմ կարծում, որ այս գործը բուռն արձագանք կառաջացնի Հայաստանում։ Իշխանություններն ամեն կերպ փորձում են հանրային գիտակցությունից ջնջել Ղարաբաղի կորստի փաստը։ Հատկապես հիմա, երբ երկիրը գտնվում է նախընտրական շրջանում, չճանաչված ԼՂՀ-ն մոռացության մատնելը դառնում է հատկապես կարևոր»,- նշել է նա։

Հիշեցնենք, որ երեկ Բաքվի ռազմական դատարանը Ռուբեն Վարդանյանին դատապարտեց 20 տարվա ազատազրկման։