«Իրանի հրթիռային համակարգերը կարմիր գիծ են ու ենթակա չեն քննարկման»․ Շամխանի

Իրանի հրթիռային համակարգերը «կարմիր գիծ են» Թեհրանի համար և ենթակա չեն քննարկման բանակցությունների ընթացքում, հայտարարել է Հանրապետության պաշտպանության խորհրդի քարտուղար Ալի Շամխանին՝ Al-Jazeera հեռուստաալիքին տված հարցազրույցում։

Նա նշել է, որ Իրանի դեմ ցանկացած արկածախնդրություն կստանա ուժեղ, վճռական և համարժեք պատասխան։

Միևնույն ժամանակ, նա շեշտել է սրացումից խուսափելու կարևորությունը՝ նշելով. «Տարածաշրջանային անվտանգությունն ու կայունությունը խաթարող գործողություններից ձեռնպահ մնալը բոլորի համար ռացիոնալ ուղի է»: