«ԱՄՆ-ն Մերձավոր Արևելքում ավելի քան 450 Tomahawk հրթիռ ունի»․ #NBC

ԱՄՆ-ն Մերձավոր Արևելքում ավելի քան 450 «Tomahawk» թևավոր հրթիռներ ունի, որոնք կարող են օգտագործվել Իրանի վրա հնարավոր հարձակման ժամանակ, հաղորդում է NBC News-ը՝ հղում կատարելով ամերիկացի պաշտոնյային։

Պաշտոնյայի խոսքով այդ հրթիռները տեղակայված են տարածաշրջանում գտնվող ռազմանավերի վրա և կարող են օգտագործվել Իսլամական Հանրապետությանը հարվածելու համար, եթե ԱՄՆ նախագահը հաստատի Թեհրանի դեմ ռազմական գործողությունը։

Նշվում է, որ USS Abraham Lincoln ավիակիր հարվածային խումբը, որն անցյալ շաբաթ ժամանել էր Մերձավոր Արևելք, այժմ շարժվում է այն վայրի ուղղությամբ, որտեղից այն կարող է օգտագործվել Իրանի վրա հարձակվելու համար: Միևնույն ժամանակ, ԱՄՆ վարչակազմի երկու պաշտոնյաներ հայտնել են, որ մոտ 10 այլ ամերիկյան ռազմանավեր, ավիացիոն էսկադրիլիաներ և F-15 և F-35 կործանիչներ արդեն իսկ գտնվում են տեղում:

Նշենք, որ Օմանի մայրաքաղաք Մասկատում մեկնարկել են Թեհրանի և Վաշինգթոնի միջև միջուկային հարցով բանակցությունները։