Իրանական անօդաչու թռչող սարքը հետախուզություն է իրականացրել Օմանի ծոցի վրայով

Flightradar24 ավիացիոն ռեսուրսի տվյալների համաձայն՝ կիրակի օրն իրանական հետախուզական անօդաչու թռչող սարքը երկար թռիչք է իրականացրել Օմանի ծոցի վրայով։

Մեկ օր առաջ Մերձավոր Արևելքում ԱՄՆ-ի կենտրոնական հրամանատարությունը (CENTCOM) նախազգուշացում էր տարածել իրանական ուժերին՝ նշելով, որ չի հանդուրժի վտանգավոր մանևրներ, ինչպիսիք են ԱՄՆ-ի ռազմանավերի վրայով թռիչքները կամ իրանական մոտորանավակների մոտենալը դրանց հետ բախման ուղղությամբ։

«ԱՄՆ-ի ուժերի, տարածաշրջանային գործընկերների կամ առևտրային նավերի մոտ ցանկացած անվտանգ և ոչ պրոֆեսիոնալ վարքագիծ մեծացնում է հակամարտության, սրման և անկայունացման ռիսկը»,- ընդգծել է CENTCOM-ը։