Ուկրաինայի կարգավորման շուրջ իրավիճակը նման է հավի և ձվի պարադոքսի. Washington Post

Ուկրաինացի պաշտոնյաները ցանկանում են, որ տարածքային զիջումներից առաջ ստորագրվեն անվտանգության երաշխիքներ, մինչդեռ Միացյալ Նահանգները պնդում է հակառակ հաջորդականության վրա: Ըստ Washington Post-ի՝ իրավիճակը նման է հավի և ձվի պարադոքսի։
ԱՄՆ-ի պետքարտուղար Մարկո Ռուբիոն չորեքշաբթի օրը հայտարարել էր, որ Ուկրաինայի անվտանգության երաշխիքների վերաբերյալ ընդհանուր համաձայնություն, իբր, արդեն ձեռք է բերվել: Նա պարզաբանել էր, որ երաշխիքների մեխանիզմը, ըստ էության, հիմնված է ԱՄՆ-ի աջակցության վրա: «Զելենսկին և ուկրաինացի այլ բարձրաստիճան պաշտոնյաներ ասում են, որ իրենց անհրաժեշտ են ստորագրված երաշխիքներ՝ նախքան որևէ տարածքային զիջում անելը»,- հաղորդել է թերթը։
Այնուամենայնիվ, ինչպես նշում է թերթի աղբյուրներից մեկը՝ անանուն արևմտյան դիվանագետը, ԱՄՆ-ն դժկամությամբ է ստորագրում անվտանգության երաշխիքներ, մինչև տարածքային հարցի շուրջ համաձայնություն չլինի։
«Դա մի տեսակ հավի և ձվի խնդիր է», - հավելել է դիվանագետը։