ԵՄ ԱԳ նախարարները հաստատել են Իրանի դեմ նոր պատժամիջոցները

ԵՄ երկրների արտաքին գործերի նախարարները նոր պատժամիջոցներ են սահմանել Թեհրանի նկատմամբ։ Դրանք ուղղված են Իրանում բողոքի ցույցերի դաժան ճնշման հետ առնչություն ունեցող, ինչպես նաև Ուկրաինայի դեմ պատերազմ վարող Ռուսաստանին աջակցող առանձին անձանց և կազմակերպությունների դեմ։

Ակնկալվում է նաև, որ նախարարները կհասնեն քաղաքական համաձայնության՝ Իրանի Իսլամական հեղափոխության պահապանների կորպուսը (ԻՀՊԿ) Եվրոմիության ահաբեկչական կազմակերպությունների ցուցակում ներառելու վերաբերյալ։

Պատժամիջոցների մասին ավելի վաղ խոսել էր Ֆրանսիայի ԱԳ նախարար Ժան Նոել Բարոն։