Սամվել Ալեքսանյանը որոշել է Ադրբեջանից շաքարավազ ներկրել. «Հրապարակ»

«Հրապարակ»-ը գրում է. «Կառավարության մեր աղբյուրները հայտնում են, որ Ադրբեջանից չորրորդ կարգի հացահատիկ և դիզվառելիք ներկրելուն զուգահեռ, բանակցություններ, աշխատանքներ են տարվում նաև շաքարավազի ներկրման հարցերով։ Մեզ ասացին, որ այդ հարցում եւս շահագրգռություն է ցուցաբերում ներկա իշխանությունների սրտի օլիգարխը՝ շաքարավազի ներկրման մոնոպոլիստ Սամվել Ալեքսանյանը, և մոտ ապագայում նրա այս մի երազանքն էլ, ըստ էության, իրականություն կդառնա։ Հիշեցնենք, որ Ադրբեջանից հացահատիկ ներմուծող ընկերությունը Սամվել Ալեքսանյանին է պատկանում, իսկ բենզին ներմուծողների թվում գործարարի կնոջ՝ Շողերինայի եղբոր ընկերությունն է՝ Սամվել Մկրտչյանին պատկանող «Շիշա ուորլդ»-ը։