«ԱՄՆ-ի կողմից Ուկրաինային անվտանգության երաշխիքներ տրամադրող փաստաթուղթը պատրաստ է»․ Զելենսկի

Ուկրաինայի նախագահ Վլադիմիր Զելենսկու խոսքով՝ ԱՄՆ-ի կողմից անվտանգության երաշխիքները իր երկրի համար ամբողջությամբ համաձայնեցված են։ «Եվ մենք սպասում ենք, որ մեր գործընկերները հաստատեն դրա ստորագրման ամսաթիվն ու վայրը»,- հայտարարել է նա երեկ՝ Վիլնյուսում Լիտվայի նախագահ Գիտանաս Նաուսեդայի հետ հանդիպումից հետո տեղի ունեցած ասուլիսում։ Անվտանգության երաշխիքների վերաբերյալ փաստաթուղթը այնուհետև կուղարկվի ԱՄՆ Քոնգրես և Գերագույն ռադա՝ վավերացման համար, հավելել է Ուկրաինայի նախագահը։

Զելենսկին նաև նշել է, որ Աբու Դաբիում եռակողմ բանակցությունների ժամանակ քննարկվել են «20 կետից բաղկացած ծրագիրը և խնդրահարույց հարցերը»։ Նրա խոսքով նման հարցերը «շատ էին, բայց հիմա դրանք ավելի քիչ են»։ Նա շեշտել է, որ Դոնբասի հարցում Ուկրաինայի դիրքորոշումը չի փոխվել։ Նա նաև հավելել է, որ փոխզիջման համար անհրաժեշտ է, որ բոլոր կողմերը պատրաստ լինեն: