Դավոսում մեկնարկել է Զելենսկու և Թրամփի հանդիպումը

Դավոսում մեկնարկել է Ուկրաինայի նախագահ Վլադիմիր Զելենսկու և ԱՄՆ նախագահ Դոնալդ Թրամփի հանդիպումը։ Այս մասին հաղորդում է РБК-Украина-ն՝ հղում կատարելով Ուկրաինայի նախագահի մամուլի քարտուղար Սերգեյ Նիկիֆորովին։

Հանդիպումից կարճ ժամանակ առաջ Թրամփը Sky News-ի լրագրողին ասել է Ուկրաինայում խաղաղության համաձայնագրին «մոտենալու» մասին։

«Այսօր, ինչպես գիտեք, նախագահը (Զելենսկին, - խմբ.) և ես քննարկելու ենք այս հարցը։ Մենք այսօր կամ վաղը հանդիպում ենք նախագահ Պուտինի հետ, այնպես որ մարդիկ գնում են այնտեղ, և կարծում եմ, որ նրանք մոտենում են համաձայնագրի։ Շատ մարդիկ են մահանում։ Մենք պետք է դա անենք», - ասել է Թրամփը։