Արարատ Միրզոյանը Վաշինգթոնում կհանդիպի Մարկո Ռուբիոյի հետ

Հայաստանի արտաքին գործերի նախարար Արարատ Միրզոյանը այսօր Վաշինգթոնում կհանդիպի Ամերիկայի Միացյալ Նահանգների պետքարտուղար Մարկո Ռուբիոյի հետ, հայտնում է ԱՄՆ պետդեպարտամենտի կայքը։

Հանդիպումը կմեկնարկի Վաշինգթոնի ժամանակով ժամը 12։00-ին (Երևանի ժամանակով ժամը 21:00-ին)։

Նշվում է, որ հանդիպմանը կմասնակցեն նաև ԱՄՆ պետքարտուղարի քաղաքական հարցերով տեղակալ Էլիսոն Հուքերը և Պետդեպարտամենտի Եվրոպայի և Եվրասիայի հարցերով բյուրոյի ավագ պաշտոնյա Բրենդան Հենրեհենը։