«Բարսելոնա»-ն հաղթել է «Ռեալ»-ին և նվաճել Իսպանիայի սուպերգավաթը

Իսպանիայի Սուպերգավաթի եզրափակչում «Բարսելոնան» հաղթել է «Ռեալ Մադրիդին» և դարձել մրցաշարի հաղթող։ «Էլ Կլասիկոն» տեղի է ունեցել երեկ Սաուդյան Արաբիայի Ջիդդա քաղաքում և ավարտվել է 3-2 հաշվով՝ հօգուտ «կապտանռնագույներ»-ի։

«Բարսելոնայի» կազմում գոլերի հեղինակ են դարձել Ռաֆինյան՝ (36-րդ և 73-րդ րոպեներին), և Ռոբերտ Լևանդովսկին՝ (45+4-րդ րոպեին): «Ռեալ Մադրիդի» կազմում գոլերի հեղինակ են դարձել Վինիսիուս Ժունիորը (45+2-րդ րոպեին) և Գոնսալո Գարսիան (45+6-րդ րոպեին):

«Բարսելոնան» Իսպանիայի Սուպերգավաթը նվաճել է 16-րդ անգամ՝ սահմանելով մրցաշարի նոր ռեկորդ։ «Ռեալ Մադրիդը» այն նվաճել է 13 անգամ։