«Ցույցերն արյունալի են դարձրել՝ Թրամփին միջամտելու առիթ տալու համար»․ Արաղչի

Իրանում բողոքի զանգվածային ցույցերը հրահրվում են արտաքին ուժերի կողմից, սակայն Թեհրանը լիովին վերահսկում է իրավիճակը, հայտարարել է Իրանի արտաքին գործերի նախարար Աբբաս Արաղչին։

«Իրավիճակն այժմ ամբողջությամբ վերահսկողության տակ է»,- նշել է նախարարը։

Արաղչին նաև կարծիք է հայտնել, որ բողոքի ցույցերը դարձել են «բռնի և արյունալի», որպեսզի ԱՄՆ նախագահ Դոնալդ Թրամփին «միջամտելու պատրվակ» տրվի։

«Մենք պատրաստ ենք պատերազմի, բայց նաև պատրաստ ենք երկխոսության»,- ասել է Իրանի արտաքին գործերի նախարարը։

Նա նաև վստահեցրել է, որ Իրանում ինտերնետ կապը շուտով կվերականգնվի։