Հալեպի երկու թաղամասերում պարետային ժամ է սահմանվել

Սիրիական բանակը պարետային ժամ է սահմանել Հալեպի Շեյխ Մաքսուդ և Աշրաֆիե թաղամասերում, որն ուժի մեջ կմտնի ժամը 15:00-ից, հաղորդում է ​​SANA-ն՝ հղում կատարելով բանակի հրամանատարության հայտարարությանը։

Նշվում է, որ հրամանատարությունը կոչ է արել տեղի բնակիչներին չմոտենալ քրդական խմբավորումների ռազմական դիրքերին՝ թաղամասերը հայտարարելով փակ գոտիներ։

Հիշեցնենք, որ հունվարի 6-ին «Սիրիական դեմոկրատական ուժեր»-ի և կառավարական ուժերի միջև բախումներ են տեղի ունեցել։