Հալեպի օդանավակայանը դադարեցրել է աշխատանքը՝ քաղաքում իրավիճակի սրման պատճառով

Հալեպի միջազգային օդանավակայանը 24 ժամով դադարեցնում է իր գործունեությունը՝ քաղաքում իրավիճակի սրման պատճառով, որտեղ հրաձգություն է սկսվել քրդերի գլխավորած «Սիրիական դեմոկրատական ​​ուժեր» կոալիցիայի ուժերի և Սիրիայի անցումային կառավարության ուժերի միջև: Այս մասին հայտարարել է Քաղաքացիական ավիացիայի և օդային տրանսպորտի գլխավոր վարչության նախագահ Օմար ալ-Հուսարին։

Վերջին տվյալների համաձայն քուրդ զինյալների կողմից Հալեպի բնակելի թաղամասերի գնդակոծության հետևանքով զոհվել է 9 մարդ: Իր հերթին, Syria TV-ն հաղորդում է, որ մի քանի ժամ տևած կատաղի փոխհրաձգությունից հետո հրադադար է հաստատվել։

Հունվարի 6-ի առավոտյան «Սիրիական դեմոկրատական ​​ուժեր»-ն անօդաչու թռչող սարքերի միջոցով հարձակվել են կառավարական ուժերի դիրքերի վրա Շեյխ-Մաքսուդ թաղամասի շրջակայքում։ Հարվածների հետևանքով զոհվել է մեկ զինծառայող, ևս մի քանիսը վիրավորվել են։ Սիրիական բանակը, ի պատասխան քրդական կազմավորումների կողմից հրադադարի ռեժիմի խախտման, ոչնչացրել է «Սիրիական դեմոկրատական ​​ուժեր»-ի զինամթերքի պահեստը Շեյխ-Մաքսուդի շրջանում։ Քրդական կազմավորումների և կառավարական ուժերի միջև սկսվել է ինտենսիվ փոխհրաձգություն։