«Տղե՛րք, գերազանցիկի սինդրոմը ե՞րբ եք հաղթահարելու. վերադասին հաճոյանալու համար վնաս եք տալիս խանութներն». Վահան Ավագյան

«Խոսքս ուզում եմ հղել դուխով տղերքին՝ ԿԲ կառավարիչ, Էկոնոմիկայի նախարար, ՊԵԿ-ի նախագահ և Ֆինանսների նախարարին, տղե՛րք, գերազանցիկի սինդրոմը ե՞րբ եք հաղթահարելու: Ձեր վերադասին հաճոյանալու համար վնաս եք տալիս սովորական խանութներին»,- Երևանի ավագանու նիստի ժամանակ իր ելույթում նշել է «Հանրային ձայն» խմբակցության ղեկավար Վահան Ավագյանը՝ անդրադառնալով Կառավարության նիստի ժամանակ Նիկոլ Փաշինյանի ելույթին, որտեղ նա ասել էր. «Օրերս վարչապետի աշխատակազմից գնացել են ինչ-որ բան առնելու, խանութից ասել են. «Եթե կանխիկով եք տալիս՝ ուրիշ գին է, եթե քարտով՝ ուրիշ», և Նիկոլ Փաշինյանը կարգադրել էր փակել այդ խանութը։

«Դժվա՞ր էր այնտեղ բացատրել, որ խանութը ոչ թե պետությանն է խաբել, այլ գոյություն ունի տարբերություն՝ կանխիկ վճարելու և քարտով: Էդ տարբերությունը որ ասել են, դա ընդամենը բանկային կամիսիայի մասին էր: Մեջներդ դուխ գտեք ու ծառայեք ժողովրդին, ոչ թե ձեր էգոներին, կամ ձեր վերադասին»,- հավելել է ավագանու անդամը։