«Տանը մենակ»-ի 35-ամյակի առթիվ պատրաստված քաղցրաբլիթը Գինեսի ռեկորդ է սահմանել

Disney+-ը և Hulu-ն Գինեսի ռեկորդ են սահմանել՝ կառուցելով քաղցրաբլիթե տուն «Տանը մենակ» ֆիլմի ՄաքՔալիստերների ընտանիքի նմանությամբ։ WDWNT-ի փոխանցմամբ՝ ինստալյացիան հանրության համար բացվել է Լոս Անջելեսում 2025 թվականի դեկտեմբերի 18-ին և 19-ին՝ Հոլիվուդ Բուլվարի և Վայն Սթրիթի խաչմերուկում։

Գինեսի ռեկորդների ժյուրիի անդամ Բրիթանի Դանը հաստատել է նվաճումը դեկտեմբերի 18-ին։ Նոր կառույցը գերազանցել է Թեքսասի «Traditions Club»-ի կողմից 2013 թվականին սահմանված նախորդ ռեկորդը։

Ռեկորդակի տունն ունի 7.8 մետր բարձրություն, 12.8 մետր լայնություն և 17.6 մետր երկարություն։ Կառուցման համար օգտագործվել է ավելի քան 2.6 տոննա ցորենի ալյուր և ավելի քան 4200 ձու։ Կառույցը ներառում է 4400 քաղցրաբլիթե սալիկ և մոտավորապես 800 տանիքի տարր։ Բոլոր նյութերը համապատասխանում էին ռեկորդային պահանջներին և անվտանգ էին սննդի համար։

Նախագիծը նախատեսված է եղել «Տանը մենակ» ֆիլմի թողարկման 35-ամյակի համար։