Գուտերեշը հեռախոսազրույց է ունեցել Մադուրոյի հետ

ՄԱԿ-ի գլխավոր քարտուղար Անտոնիո Գուտերեշը հեռախոսազրույց է ունեցել Վենեսուելայի նախագահ Նիկոլաս Մադուրոյի հետ, որի ընթացքում քննարկել է տարածաշրջանում լարվածության աճը։ Այս մասին հայտնում է կազմակերպության մամուլի ծառայությունը։

«Զրույցի ընթացքում գլխավոր քարտուղարը վերահաստատել է ՄԱԿ-ի դիրքորոշումը՝ անդամ պետությունների կողմից միջազգային իրավունքին, մասնավորապես՝ ՄԱԿ-ի կանոնադրությանը համապատասխանելու, զսպվածություն ցուցաբերելու և լարվածությունը նվազեցնելու անհրաժեշտության վերաբերյալ՝ տարածաշրջանային կայունությունը պահպանելու համար», - ասվում է հայտարարության մեջ։