Իրանցի հաքերները «կոտրել են» Իսրայելի նախկին վարչապետի հեռախոսը

Իրանական Handala հաքերային խումբը հայտարարել է, որ «կոտրել է» Իսրայելի նախկին վարչապետ Նաֆթալի Բեննետի բջջային հեռախոսը:

Ըստ խմբի՝ նրանք կարողացել են մուտք գործել Իսրայելի նախկին վարչապետին պատկանող iPhone 13-ին։ Հրապարակված հայտարարության մեջ հաքերները նշել են, որ Իսրայելը ներկայացել է՝ որպես քիբերանվտանգության մոդել, սակայն պնդում են, որ սարքի անվտանգությունը խոցելի է։

«Դուք հպարտանում էիք աշխարհի համար քիբերանվտանգության մոդել լինելով։ Սակայն ձեր iPhone 13-ը հայտնվեց մեր ձեռքում», - ասվում է խմբի հայտարարության մեջ։

Նաֆթալի Բեննետի գրասենյակն արձագանքել է հաղորդագրություններիը՝ նշելով, որ միջադեպը գտնվում է համապատասխան անվտանգության և քիբերանվտանգության ծառայությունների պատասխանատվության ներքո։ Նրանք նաև նշել են, որ վիճելի բջջային սարքը ներկայում չի օգտագործվում։