«Ուկրաինայում գտնվող արևմտյան զորքերը կկարողանան հետ մղել ՌԴ զորքերին՝ հրադադարի խախտման դեպքում»․ Մերց
 Ուկրաինային Միացյալ Նահանգների և Եվրոպայի կողմից առաջարկված հետհրադադարի երաշխիքների համաձայն՝ խաղաղապահները որոշակի հանգամանքներում կարող են հետ մղել ռուսական զորքերին։ Ինչպես հաղորդում է Reuters-ը՝ այս մասին ZDF հանրային հեռուստատեսությանը տված հարցազրույցում ասել է Գերմանիայի կանցլեր Ֆրիդրիխ Մերցը՝ հավելելով, որ դա դեռևս հեռավոր հեռանկար է։ Պատասխանելով լրագրողների հարցերին՝ Ուկրաինայի նախագահ Վլադիմիր Զելենսկու հետ Բեռլինում կայացած բանակցությունների ընթացքում Միացյալ Նահանգների կողմից առաջարկված հնարավոր անվտանգության երաշխիքների վերաբերյալ , Մերցը հայտարարել է, որ երաշխավորները պետք է հետ մղեն ռուսական զորքերը, եթե հրադադարի որևէ պայման խախտվի։ «Մենք կապահովենք ապառազմականացված գոտի պատերազմող կողմերի միջև, և, ավելի կոնկրետ լինելու համար, մենք նաև կգործենք համապատասխան ռուսական ներխուժումների և հարձակումների դեմ։ Բայց մենք դեռ այդ փուլում չենք», - նշել է Գերմանիայի կանցլերը։ «Այն փաստը, որ ամերիկացիները նման պարտավորություն են ստանձնել՝ պաշտպանել Ուկրաինան հրադադարի դեպքում այնպես, ինչպես կարվեր ՆԱՏՕ-ի տարածքի դեպքում, կարծում եմ, դա Ամերիկայի Միացյալ Նահանգների համար ուշագրավ նոր դիրքորոշում է», - հավելել է Մերցը։ |
«Աստարա–Ռեշտ երկաթուղին այն օղակն է, որ բացակայում է Հյուսիս–հարավ երկաթուղային հաղորդակցության մեծ շղթայում». Հակոբ Բադալյան
5403:24
«Հրամանատարների, սպաների հեռացումն ու զորացրումն էլ բավարար էր այսպիսի ծանր հետևանքների հանգեցնելու համար». Տիգրան Աբրահամյան
9502:00
«Պաշտպանական համակարգի ներսում կարգապահական ու բարոյահոգեբանական կառույցների փլուզում է». Մհեր Մելքոնյան
9101:36
«Անդրանիկ Թևանյանի և Արեգնազ Մանուկյանի դատավարությունն աննախադեպ է լինելու իր հիբրիդային բնույթով». «Մայր Հայաստան»
7101:18
ԱՄՆ-ն Սիրիան հանել է ահաբեկչությունը հովանավորող պետությունների ցանկից
16201:02
«Այս ծաղրածուները պետք է «շարժվեն», հակառակ դեպքում հետևանքները Կանադայի համար ՇԱՏ ՎԱՏ կլինեն». Թրամփ
18600:04