Թրամփը դատի է տվել #BBC-ին

ԱՄՆ նախագահ Դոնալդ Թրամփը դատական ​​հայց է ներկայացրել Բրիտանական հեռարձակման կորպորացիայի (BBC) դեմ՝ «Panorama» հաղորդման ժամանակ իր ելույթն աղավաղելու համար:

«Հայցվոր՝ նախագահ Դոնալդ Թրամփը, պահանջում է դատավճիռ պատասխանողների դեմ… ոչ պակաս, քան 5,000,000,000 դոլար վնասի փոխհատուցման համար»,- նշվում է Թրամփի հայցադիմումում։

Թրամփը նաև BBC-ից լրացուցիչ հինգ միլիարդ դոլար է պահանջում՝ Ֆլորիդա նահանգի «Անարդար առևտրային գործունեության մասին» օրենքի ենթադրյալ խախտման պատճառով:

Թրամփը ավելի վաղ հայտնել էր, որ ստիպված է դատի տալ BBC-ին իր ելույթը խեղաթյուրելու համար, և որ իր հայցը կկազմի մեկից հինգ միլիարդ դոլար։ BBC-ն Թրամփից ներողություն էր խնդրել, բայց հրաժարվել էր վճարել նրա պահանջած փոխհատուցումը։

BBC-ի գլխավոր տնօրեն Թիմ Դեյվին և գործադիր տնօրեն Դեբորա Թըրնեսը նոյեմբերի 9-ին հայտարարեցին իրենց հրաժարականի մասին։