«Նշանակալի առաջընթաց է գրանցվել». Ուիթքոֆը՝ բեռլինյան բանակցությունների մասին

Ուկրաինայի նախագահ Վլադիմիր Զելենսկու, ԱՄՆ նախագահի հատուկ բանագնաց Սթիվ Ուիթքոֆի, Դոնալդ Թրամփի փեսայի՝ Ջարեդ Քուշների և ԱՄՆ-ի ու Ուկրաինայի պատվիրակությունների միջև Բեռլինում կայացած հանդիպումը տևել է ավելի քան հինգ ժամ։ Այս մասին հաղորդում է «ՌԲԿ-Ուկրաինա»-ն՝ հղում կատարելով ԱՄՆ նախագահի հատուկ բանագնաց Սթիվ Ուիթքոֆի՝ X-ում արված գրառման։

«Ներկայացուցիչները մանրամասն քննարկումներ են ունեցել 20 կետից բաղկացած խաղաղության ծրագրի, տնտեսական օրակարգի և այլ հարցերի շուրջ։ Նշանակալի առաջընթաց է գրանցվել, նրանք կրկին կհանդիպեն դեկտեմբերի 15-ի առավոտյան»,- գրել է Ուիթքոֆը։