«Թրամփի հայտարարությունները փորձում են քանդել ԱՄՆ-Եվրոպա միությունը»․ Հռոմի պապ

900

Չորեքշաբթի, 10 դեկտեմբերի, 2025 թ., 13:23

Հռոմի պապ Լևոն 14-րդը մեկնաբանել է ԱՄՆ նախագահ Դոնալդ Թրամփի վերջին հայտարարությունները, որտեղ նա ասել է, որ Եվրոպան անկում է ապրում և ունի «թույլ» առաջնորդներ: «Կարծում եմ, որ վերջերս հարցազրույցներում Եվրոպայի մասին արված դիտողությունները փորձում են քանդել Եվրոպայի ու ԱՄՆ-ի միջև միությունը»,- նշել է Պապը: Լրագրողի հարցին, թե արդյոք նա կարծում է, որ ԱՄՆ-ի ներկայացրած ծրագիրը (Ուկրաինայում խաղաղության) արդար է, պապը պատասխանել է, որ կնախընտրեր չմեկնաբանել դա։ Սակայն հետո հավելել է. «Դա ծրագիր է, որը նախագահ Թրամփը և նրա խորհրդականներն են կազմել։ Նա Միացյալ Նահանգների նախագահն է, նա իրավունք ունի դա անելու։ Բայց այն ունի մի շարք կետեր, որոնց հետ, կարծում եմ, Միացյալ Նահանգներում շատերը կարող են համաձայն լինել, բայց շատ ուրիշներ իրերը այլ կերպ են ընկալում»,- ավելացրել է Հռոմի պապը։