«Խաղաղության ծրագրի շրջանակներում քննարկում ենք միաժամանակ երեք փաստաթուղթ»․ Զելենսկի

Ուկրաինան, եվրոպացի գործընկերներն ու ԱՄՆ-ն միաժամանակ քննարկում են երեք փաստաթուղթ խաղաղության ծրագրի շրջանակներում։ Դրանք են՝ շրջանակային փաստաթուղթը, անվտանգության երաշխիքները և փաստաթուղթ, որը դնում է հետպատերազմյան վերականգնման հիմքերը։ Ինչպես հաղորդում է РБК-Украина-ն, այս մասին լրագրողների հետ հարց ու պատասխանի ժամանակ հայտնել է Ուկրաինայի նախագահ Վլադիմիր Զելենսկին։

«Կա 20 կետից բաղկացած շրջանակային փաստաթուղթ, որը մշտապես փոփոխվում է, և դա նորմալ է։ Կառուցվածք է, որը պետք է համապատասխանի Ուկրաինայի, Եվրոպայի, աշխարհի շահերին։ Երկրորդը՝ անվտանգության երաշխիքներն են, որոնց վրա մենք աշխատում ենք։ Անվտանգության երաշխիքները կարևոր փաստաթուղթ է մեր, ԱՄՆ-ի և եվրոպացիների միջև»,- նշել է նա։

Զելենսկու խոսքով երրորդ փաստաթուղթը վերաբերում է վերականգնմանը, որը կիրականացվի պատերազմի ավարտից կամ հրադադարի հաստատումից հետո։