Թրամփը մի քանի լրատվամիջոցների մեղադրել է զրպարտության մեջ

ԱՄՆ նախագահ Դոնալդ Թրամփը մեղադրել է The New York Times թերթին և ամերիկյան մի քանի այլ լրատվամիջոցների զրպարտության մեջ՝ իր ֆիզիկական և հոգեկան վիճակի վատթարացման մասին նյութեր հրապարակելու համար, ինչպես նաև սպառնացել է միջոցներ ձեռնարկել նրանց դեմ:

Թրամփը Truth Social-ում հայտնել է, որ հաջողությամբ կատարում է պետության ղեկավարի իր պարտականությունները և պարբերաբար բժշկական զննումներ է անցնում։ «The New York Times-ը և մի շարք այլ լրատվամիջոցներ սիրում են ձևացնել, թե ես դանդաղել եմ, որ այնքան էլ սրամիտ չեմ, որքան նախկինում էի, կամ որ իմ առողջությունը վատթարացել է, չնայած նրանք գիտեն, որ դա ճիշտ չէ, և որ ես շատ ջանասիրաբար եմ աշխատում, գուցե ավելի ջանասիրաբար, քան երբևէ»,- հավելել է նա։