«Ժամանակն է, որ Ուկրաինայում ընտրություններ անցկացվեն». Թրամփ

Ժամանակն է Ուկրաինայում նոր ընտրություններ անցկացնել, Politico-ին տված հարցազրույցում ասել է ԱՄՆ նախագահ Դոնալդ Թրամփը։ «Այո, կարծում եմ՝ ժամանակն է։ Կարծում եմ՝ կարևոր ժամանակ է ընտրություններ անցկացնելու համար։ Նրանք պատերազմն օգտագործում են ընտրություններ չանցկացնելու համար, բայց կարծում եմ՝ ուկրաինացի ժողովուրդը... պետք է ունենա այդ հնարավորությունը։ Եվ գուցե Զելենսկին հաղթի։ Չգիտեմ՝ ով կհաղթի։ Բայց նրանք վաղուց ընտրություններ չեն անցկացրել»,- ասել է Թրամփը՝ պատասխանելով հարցին, թե արդյոք ժամանակն է, որ Ուկրաինան ընտրություններ անցկացնի։