Զելենսկին հայտնել է, որ այսօր ԱՄՆ-ին կփոխանցվի խաղաղության վերանայված ծրագիրը

Ուկրաինայի նախագահ Վլադիմիր Զելենսկին հայտարարել է, որ այսօր ԱՄՆ-ին կհանձնվի խաղաղության ծրագրի նոր տարբերակը, որը մշակվել է նրա՝ եվրոպացի առաջնորդների հետ հանդիպման ընթացքում։ Այս մասին հայտնում է «Reuters»-ը։

«Մենք այն ևս մեկ անգամ կուսումնասիրենք և կփոխանցենք Միացյալ Նահանգներին»,- ասել է Զելենսկին։ Նա նաև նշել է, որ «ծրագիրը 28 կետից կրճատվել է մինչև 20», և որ տարածքային հարցի շուրջ փոխզիջում «դեռևս չի գտնվել»։

Երեկ՝ դեկտեմբերի 8-ին Զելենսկին ժամանել էր Լոնդոն և հանդիպել Մեծ Բրիտանիայի վարչապետ Քիր Սթարմերի, Գերմանիայի կանցլեր Ֆրիդրիխ Մերցի և Ֆրանսիայի նախագահ Էմանուել Մակրոնի հետ՝ քննարկելու ուկրաինական հակամարտության կարգավորման բանակցությունների ընթացքը։