«Պեկինը շահագրգռված չէ պատերազմի արագ ավարտով». Վլադիմիր Զելենսկի

Ուկրաինայի նախագահ Վլադիմիր Զելենսկին մեկնաբանել է Չինաստանի դերը բանակցային գործընթացում՝ նշելով, որ չնայած երկրի նկատմամբ իր հարգանքին, չի տեսնում, որ Պեկինը շահագրգռված է պատերազմի արագ ավարտով: Նա կարծում է, որ Չինաստանը շահագրգռված չէ թույլ կամ պարտված Ռուսաստանով, ինչը կհանգեցնի հակամարտության շարունակությանը։

«Չինաստանն իսկապես ազդեցություն ունի Պուտինի վրա: Ես չեմ տեսնում, որ Չինաստանը շահագրգռված լինի պատերազմի ավարտից: Ինչո՞ւ: Որովհետև մենք տեսանք ԱՄՆ-ի նոր դոկտրինան: Սրանք, անշուշտ, երկու բևեռներ են, որոնք նայում են միմյանց: Սրանք երկու մեծ տերություններ են, և սա լուրջ դիմակայություն է: Եվ այսօր թույլ և պարտված Ռուսաստանն օգուտ չի բերում Չինաստանին։

Չինաստանը, անշուշտ, ուժեղ երկիր է՝ ուժեղ տնտեսությամբ: Մեր դեպքում ամենակարևորը Չինաստանի ակնհայտ ազդեցությունն է Ռուսաստանի և անձամբ Պուտինի վրա», - հավելել է Ուկրաինայի նախագահը։