«Ուկրաինային 250 մլն եվրո կտրամադրենք»․ Բրեկելմանս

Նիդերլանդները PURL (Ուկրաինայի առաջնահերթ կարիքների ցանկ) նախաձեռնության շրջանակում Ուկրաինային կհատկացնի 250 միլիոն եվրո՝ հակաօդային պաշտպանության համակարգերի և F-16 կործանիչների համար նախատեսված զինամթերքի համար։ Այս մասին գրել է Նիդերլանդների պաշտպանության նախարար Ռուբեն Բրեկելմանսը X սոցիալական ցանցում։

«Ուկրաինային շտապ անհրաժեշտ է լրացուցիչ ռազմական աջակցություն ռուսական օդային հարձակումների դեմ։ Նիդերլանդները կրկին 250 միլիոն եվրո է հատկացնում՝ ԱՄՆ-ից (PURL) հակաօդային պաշտպանության համակարգերի, F-16 կործանիչների համար նախատեսված զինամթերքի և այլ մատակարարումների համար։ Այս կարևոր ժամանակներում Ուկրաինան կարող է հույս դնել մեր աջակցության վրա»,- նշել է նա։