«Խաղաղության համաձայնագրի վերջնական տեքստը դեռ չի համաձայնեցվել, բայց մեկ քայլ առաջ է արվել»․ #RBC_Ukraine

Ֆլորիդայում ուկրաինական և ամերիկյան պատվիրակությունների բանակցություններում դեռևս չի հաջողվել վերջնականապես համաձայնեցնել խաղաղության համաձայնագրի նախագիծը: Մասնավորապես, ակտիվորեն քննարկվել են տարածքային հարցերը, շոշափվել է նաև Ուկրաինայի՝ ՆԱՏՕ-ին անդամակցության թեման։ Այս մասին հայտնում է RBC-Ukraine-ն՝ հղում կատարելով իրազեկ աղբյուրին։

«Բանակցությունները կենտրոնացած են արդեն ոչ այնքան այն շրջանակի վրա, որը համաձայնեցվել է Ժնևում, որքան խնդրահարույց հարցերի վրա, որոնք մնացել են։ Այսինքն,

մենք չենք խոսում այն մասին, որ մենք այժմ ունենք վերջնական տեքստի հարյուր տոկոսանոց ըմբռնում, բայց դա ևս մեկ քայլ առաջ էր», - նշել է աղբյուրը։

Աղբյուրի խոսքով, բանակցությունների ընթացքում մեծ ուշադրություն է դարձվել տարածքների հարցին։ Նա նշել է, որ Ուկրաինայի դիրքորոշումը մնում է անփոփոխ. տարածքների վերաբերյալ քննարկումը պետք է սկսվի ներկայիս շփման գծից։

Ուկրաինան ամերիկացիներին փոխանցել է նաև իր դիրքորոշումը ՆԱՏՕ-ին անդամակցության վերաբերյալ։ Մասնավորապես, ուկրաինական պատվիրակությունը նշել է, որ Դաշինքի անդամակցության քաղաքականությունն ամրագրված է Սահմանադրությամբ, և դրա փոփոխությունը խաղաղության համաձայնագրի համար վատ նախադեպ կլինի։