«ՌԴ-ն ստացել է Ժնևյան քննարկումներից հետո Ուկրաինայի վերաբերյալ ԱՄՆ ծրագրի պարամետրերը». Պեսկով

Ուկրաինայի հարցով ծրագրի հիմնական պարամետրերը Ժնևյան բանակցություններից հետո փոխանցվել են Կրեմլին, հայտնել է Ռուսաստանի նախագահի մամուլի քարտուղար Դմիտրի Պեսկովը։ Նրա խոսքով՝ պարամետրերը կքննարկվեն հաջորդ շաբաթ Մոսկվայում։

Երեկ Ռուսաստանի նախագահ Վլադիմիր Պուտինը հաստատել էր, որ ԱՄՆ նախագահի հատուկ ներկայացուցիչ Սթիվ Ուիթքոֆը հաջորդ շաբաթ կայցելի Մոսկվա։ Ամսաթիվը դեռևս անհայտ է։ Իսկ նախորդ օրը ԱՄՆ նախագահը հայտարարել էր հակամարտության կողմերի հետ բանակցություններում առաջընթացի մասին։