Օրբանը ժամանել է Կրեմլ

Հունգարիայի վարչապետ Վիկտոր Օրբանը ժամանել է Կրեմլ՝ ՌԴ նախագահ Վլադիմիր Պուտինի հետ բանակցությունների համար։ Մոսկվա մեկնելուց առաջ քաղաքական գործիչը հայտարարել է, որ այցի նպատակն էներգակիրների ներմուծման շարունակությունն է։ Նա հավելել է, որ հունգարական պատվիրակության Վաշինգթոն կատարած այցից հետո իրենց հաջողվել է վերացնել ԱՄՆ պատժամիջոցները խողովակաշարերի մատակարարման վերաբերյալ։ Reuters-ի տվյալներով՝ Օրբանը նաև ցանկանում է Պուտինի հետ քննարկել Ուկրաինայում հակամարտության կարգավորման միջոցառումները։