Հռոմի պապը ժամանել է Թուրքիա

Հռոմի Պապ Լևոն 14-րդը այցով գտնվում է Թուրքիայում։ Քահանայապետին Անկարայի օդանավակայանում դիմավորել են թուրք բարձրաստիճան պաշտոնյաներ, որից հետո նա ուղևորվել է նախագահական համալիր՝ հանդիպելու Թուրքիայի նախագահ Ռեջեփ Թայիփ Էրդողանի հետ:

Չորսօրյա այցի ընթացքում պապը կայցելի նաև Ստամբուլ և Թուրքիայի հյուսիս-արևմուտքում գտնվող Իզնիկ քաղաք։ Ուրբաթ օրը Իզնիկում՝ Նիկեայի հնագույն վայրում, նա կմասնակցի Նիկեայի Առաջին ժողովի 1700-ամյակին նվիրված հիշատակի արարողությանը։

Նրա վերջին կանգառը կլինի Ստամբուլը, որտեղ նա պետք է մասնակցի էկումենիկ աղոթքի արարողությանը Էկումենիկ պատրիարք Բարդուղիմեոս I-ի հետ։