Ռազմական հեղաշրջում` Գվինեա-Բիսաուում

Գվինեա-Բիսաուի զինվորականները հայտարարեցին երկրի լիակատար վերահսկողությունը ստանձնելու և բոլոր սահմանները փակելու մասին։

Այս մասին հաղորդել է France 24-ը։

«Գվինեա-Բիսաուի նախագահական և խորհրդարանական ընտրություններից երեք օր անց զինվորականները հայտարարեցին երկրի լիակատար վերահսկողությունը ստանձնելու և ընտրական գործընթացը կասեցնելու մասին», - ասվում է հայտարարության մեջ։

Ձերբակալվել են գործող նախագահ Ումարո Սիսոկո Էմբալոն և նրա ներքին գործերի նախարար Բոտշե Կանդեն։ Զինված ուժերի գլխավոր շտաբի պետը և նրա տեղակալը նույնպես կալանավորված են։

AFP-ի փոխանցմամբ՝ չորեքշաբթի կեսօրին նախագահական պալատի մոտ տեղի ունեցած կրակոցները դադարել են երեկոյան։