Թրամփը հայտարարել է, որ Ռուսաստանը և Ուկրաինան մոտ են խաղաղության համաձայնագրի կնքմանը

Կողմերը համաձայնության են եկել ԱՄՆ-ի նախագահի կողմից առաջարկված ծրագրի դրույթների մեծ մասի շուրջ։
ԱՄՆ-ի նախագահ Դոնալդ Թրամփը հայտարարել է, որ Ռուսաստանը և Ուկրաինան գտնվում են հակամարտության խաղաղ կարգավորման ծրագրի շուրջ համաձայնության վերջնական փուլում։ Ամերիկացի առաջնորդն այս հայտարարությունն արել է Սպիտակ տան բակում Գոհաբանության օրվան ընդառաջ՝ հնդկահավի ներման ավանդական արարողության ժամանակ լրագրողների հետ զրույցում։

Ըստ Թրամփի՝ կողմերը «շատ մոտ են համաձայնագրի»։ «Կտեսնենք։ Ես կարծում էի, որ դա շատ ավելի արագ կլինի»,- հավելել է ԱՄՆ նախագահը։