Ռուսաստանում գրանցվել են մինչև -50 աստիճան սառնամանիքներ

Ռուսաստանում գրանցվել են մինչև -50 աստիճան սառնամանիքներ, РИА Новости-ին հայտնել է «Ֆոբոս» օդերևութաբանական կենտրոնի առաջատար մասնագետ Եվգենի Տիշկովեցը։

«Երեկ երեկոյան Յակուտիայում Յուրտիի և Ուստ-Ներայի օդերևութաբանական կայաններում այս սեզոնին առաջին անգամ ջերմաչափը ցույց է տվել նվազագույն -50 աստիճան, իսկ Ռուսաստանի ամենացուրտ վայրը դարձել է Դելյանկիրի օդերևութաբանական կայանը՝ -50,7 աստիճանով։ Ամենացուրտ կետում՝ Օյմյակոնում, գրանցվել է -49,5 աստիճան։ Յակուտիայի մայրաքաղաքում սառնամանիքը առավոտյան եղել է մինչև -37,5 աստիճան, ինչը կլիմայական նորմայից 8 աստիճանով ցածր է և համապատասխանում է դեկտեմբեր ամսվա ցուցանիշներին։ Առաջիկա գիշերներին -50 աստիճան ջերմաստիճանը կպահպանվի»,- ասել է Տիշկովեցը։