Գազայի մարդասիրական հիմնադրամը (GHF) դադարեցնում է գործունեությունը

Իսրայելի և Միացյալ Նահանգների կողմից աջակցվող Gaza Humanitarian Foundation (GHF) մարդասիրական հիմնադրամը, որը հումանիտար օգնություն էր բաշխում Գազայի հատվածում, հայտնել է, որ դադարեցնում է գործունեությունը։ «GHF-ն արդեն մի քանի շաբաթ բանակցություններ է վարում CMCC-ի (քաղաքացիա-ռազմական համակարգման կենտրոն – խմբ․) և միջազգային կազմակերպությունների հետ հետագա քայլերի շուրջ, և պարզ է, որ նրանք պատրաստվում են ընդունել և ընդլայնել այն մոդելը, որը փորձարկել էր GHF-ը։ Արդյունքում մենք դադարեցնում ենք մեր գործունեությունը, քանի որ հաջողությամբ կատարել ենք մեր առաքելությունը՝ ցույց տալով, որ հնարավոր է ավելի արդյունավետ օգնություն հասցնել Գազայի բնակիչներին»,- ասվում է GHF-ի գործադիր տնօրեն Ջոն Աքրիի հայտարարության մեջ։

Նշենք, որ հիմնադրամը լայնորեն դատապարտվել է ՄԱԿ-ը և Գազայի մյուս մարդասիրական օգնության ենթակառուցվածքները շրջանցելու, ինչպես նաև իսրայելցի զինվորների և սեփական անվտանգության աշխատակիցների կողմից մարդաշատ բաշխման կետերում կամ դրանց մոտակայքում պարբերաբար տեղի ունեցող բռնությունների համար։